25/09/2026 - 25/09/2026

A Real Filharmonía de Galicia celebra unha nova edición de SENSOXENOMA, un proxecto interdisciplinar que une música, ciencia e creación contemporánea arredor da idea de como percibimos e interpretamos o son. Un encontro especial no que a orquestra expande os seus límites habituais xunto a outras formacións musicais da cidade.

Nesta quinta edición aniversario, a Real Filharmonía de Galicia e a Banda Municipal de Música de Santiago de Compostela únense no Auditorio de Galicia baixo a dirección de David Fiuza. Cun programa sorpresa, a cita propón unha experiencia única de escoita e descubrimento, con entrada de balde previa retirada de convites.