08/10/2026 - 08/10/2026

A Real Filharmonía de Galicia presenta Nostalxia, un programa que explora as conexións musicais entre Brasil e Francia a través de distintas obras do repertorio sinfónico e orquestral do século XIX e XX. Un percorrido que combina memoria, tradición e reinvención estética baixo a dirección de César Ramos.

O concerto ábrese coa Bachiana brasileira núm. 9 de Heitor Villa-Lobos, síntese entre o espírito popular brasileiro e o legado de Bach. Continúa con Le Tombeau de Couperin de Maurice Ravel, homenaxe á elegancia barroca marcada pola experiencia da Gran Guerra, e con Le boeuf sur le toit de Darius Milhaud, inspirado pola vitalidade da música brasileira. O programa complétase con Aux Étoiles de Henri Duparc e a Sinfonía en Do de Georges Bizet, obra de xuventude de sorprendente madurez. O concerto celebrarase o xoves 8 de outubro no Auditorio de Galicia ás 20:00 h, con conversa previa con César Ramos na Sala Mozart ás 19:15 h e coa participación do estudantado da EAEM.