16/09/2026 - 16/09/2026

A Real Filharmonía de Galicia desenvolve unha nova edición dos seus Concertos nos Barrios, unha iniciativa que leva a música sinfónica fóra do Auditorio para achegala aos diferentes espazos da cidade. Cun formato próximo, gratuíto e pensado para todos os públicos, estes encontros permiten descubrir a orquestra desde unha experiencia máis directa e participativa.

Nesta ocasión, a Casa das Máquinas acolle o concerto do 16 de setembro ás 20:00 h, dirixido por César Ramos. A través dun formato comentado, a RFG propón un achegamento aos grandes eixes da tempada, nun encontro aberto ata completar capacidade que reforza o vínculo entre a música clásica e a cidadanía.