07/11/2026 - 28/11/2026

O Outono Códax Festival regresa a Santiago de Compostela cunha nova edición protagonizada polo soul, o garage, o rock e as músicas americanas de raíz. Durante o mes de novembro, a Sala Capitol e Riquela Club acollerán oito datas con 12 formacións nunha das citas imprescindibles para os amantes dos directos máis intensos.

Con 16 edicións de traxectoria, o festival mantén o seu compromiso por achegar a Galicia tanto nomes lendarios das músicas de raíz afroamericanas como novas propostas que exploran os sons do presente.

O cartel desta edición reúne artistas de Canadá, Estados Unidos, Reino Unido, Francia e Galicia, nunha viaxe sonora que transita polo soul contemporáneo, o garage rock, o afropunk, o rock psicodélico e as músicas de tradición americana.

Entre as propostas destacan figuras como Barrence Whitfield & MFC Chicken, The Sadies, The Fuzztones, DeRobert & The Half-Truths, Kitty, Daisy & Lewis, Tiwayo, MRCY, HENGE, Oh! Gunquit, Howlin’ Jaws, Terra Lightfoot e o talento galego de Skanderani.

Impulsado por Raíña Pro e A Reixa, coa colaboración de Bodegas Martín Códax, o festival conta co apoio da Xunta de Galicia a través da Axencia Turismo de Galicia, no marco dos Concertos do Xacobeo.

Programación | Outono Códax Festival 2026

• 7 novembro · Sala Capitol — Kitty, Daisy & Lewis + Skanderani
• 11 novembro · Riquela Club — Tiwayo
• 13 novembro · Sala Capitol — HENGE + Oh! Gunquit
• 14 novembro · Sala Capitol — DeRobert & The Half-Truths + MRCY
• 18 e 19 novembro · Riquela Club — Barrence Whitfield & MFC Chicken
• 24 novembro · Sala Capitol — The Fuzztones
• 28 novembro · Sala Capitol — The Sadies + Howlin' Jaws + Terra Lightfoot