25/09/2026 - 21/02/2027

O CGAC presenta Jannis Kounellis. Labirinto sen paredes, unha exposición que percorre a obra dun dos grandes nomes da Arte Povera e afonda na relación do artista co mar, a viaxe, a memoria e o paso do tempo.

Nado no Pireo (Grecia) en 1936 e figura esencial da arte contemporánea, Kounellis concibía a súa obra como unha escavación na memoria, unha relectura crítica do pasado desde unha linguaxe radicalmente actual.

A mostra reúne instalacións e pezas que evocan a viaxe, as migracións e os transportes marítimos como símbolos de intercambio cultural e transformación. Velas, estruturas de aceiro e fragmentos de embarcacións recuperan a memoria do mar e dos obxectos, reflexionando sobre a pegada humana e a dimensión poética perdida da viaxe na era industrial.

Un labirinto entendido como viaxe interior, como procura dunha identidade e dun centro perdido.

Exposición coproducida con Es Baluard Museu, coa colaboración de KEWENIG, Palma/Berlín e Archivio Kounellis.