05/12/2026 - 05/12/2026

“The great songs of dIRE sTRAITS” é o novo espectáculo de Óscar Rosende e a súa banda gREAT sTRAITS, unha homenaxe á exitosa traxectoria de Dire Straits.

Un show que consolidou a gREAT sTRAITS como unha das propostas tributo máis destacadas de Europa, grazas á súa evolución constante e a unha posta en escena coidada ao detalle, tanto a nivel musical como técnico.

Tras a estrea de dIRE sTRAITS Symphonic xunto á Orquestra Sinfónica de Galicia, o proxecto inicia unha nova etapa que culminará co concerto de fin de xira no Palacio Vistalegre de Madrid, marcando un punto de inflexión na súa traxectoria.

O espectáculo propón unha viaxe sonora polos grandes éxitos da banda de Mark Knopfler, interpretados por nove músicos sobre o escenario e liderados polo guitarrista coruñés Óscar Rosende, cuxa interpretación chegou a sorprender ao propio entorno orixinal da banda.