14/11/2026 - 14/11/2026

O Outono Códax Festival continúa a súa XVI edición cunha noite dedicada ao soul contemporáneo e ao groove coa chegada de DeRobert & The Half-Truths e MRCY á Sala Capitol.

Desde Nashville, DeRobert & The Half-Truths representan a renovación do soul da cidade, combinando influencias de soul, funk, rock e outros sons contemporáneos. As súas cancións, marcadas por historias de vida, dificultades e loitas cotiás, conectan coa audiencia desde a honestidade. O seu directo é unha descarga de enerxía con ventos afiados e seccións rítmicas hipnóticas que recuperan a esencia do groove clásico cunha mirada actual.

MRCY, proxecto formado polo produtor Barney Lister e o vocalista Kojo Degraft-Johnson, achega unha proposta que mestura soul contemporáneo, R&B, góspel e influencias do jazz. Cun son elegante e emocional, a formación combina melodías cálidas, arranxos coidados e letras que exploran a identidade, o amor e a esperanza.

Unha noite para celebrar a forza do soul nas súas novas formas.