18/11/2026 - 19/11/2026

O Outono Códax Festival recibe dúas noites moi especiais coa unión de Barrence Whitfield e MFC Chicken no Riquela Club.

Considerado un dos últimos grandes shouters do rhythm & blues en activo, Barrence Whitfield leva máis de catro décadas conquistando escenarios coa súa voz poderosa e unha enerxía desbordante. Nesta ocasión estará acompañado por MFC Chicken, a explosiva banda británica de frat rock and roll, para recuperar o repertorio dos seus primeiros anos xunto a The Savages.

A conexión entre Barrence e Spencer Evoy, líder e saxofonista de MFC Chicken, forxouse ao longo de numerosas colaboracións e promete dous concertos cheos de intensidade, rhythm & blues e rock and roll en estado puro.