18/09/2026 - 20/09/2026

Do 18 ao 20 de setembro, Santiago de Compostela acolle Artesanamente, un encontro dedicado á artesanía e aos produtos locais para poñer en valor o talento e a creatividade galega.

O evento reunirá preto de medio centenar de marcas de disciplinas como xoiería, forxa, cestería e artesanía alimentaria, con propostas como cervexas, viños, embutidos e xeados.

A programación incluirá oficios en vivo, obradoiros e espazos de creatividade, promovendo o consumo responsable e o coñecemento dos procesos artesanais.