23/07/2026 - 31/10/2026

A Universidade de Santiago de Compostela celebra o centenario da Biblioteca América cunha exposición que percorre a historia, as persoas e os fondos documentais desta colección única sobre o continente americano. A mostra abrirá as súas portas o 23 de xullo ás 12:00 horas no Salón Nobre do Colexio de Fonseca e poderá visitarse ata o 31 de outubro.

No marco desta celebración, a Orquestra e Coro da Universidade de Santiago de Compostela ofrecerá dous concertos con repertorio procedente do fondo musical da Biblioteca América: o xoves 23 de xullo ás 18:00 horas na Igrexa de San Francisco e o venres 24 de xullo ás 18:00 horas na Igrexa da Nosa Señora da Mercé de Conxo.

A entrada aos concertos será libre ata completar capacidade.